Apple “iPad”

2010/01/31 Sa 11:58 Umaga · Nakalagay sa Gadgets ·Minarkahan

Pwede ko bang ikumpara ang size ng iPad sa size ng... picture frame?

Una kong reaksyon noong nabasa ko ang subject ng email ng Apple: “Ano?! Ipapakilala nanaman ang iPod?!” At maya-maya ako’y nag-ohhhh… Hindi ko napansin agad na ito ay iPad, hindi iPod. (Ang pangalan, sinasabi ko na sa iyo, ay talagang controversial sa mga araw na ito at hindi lang iyon dahil sa pinalitang patinig.)

Ang latest product ng Apple na iPad, na may tagline na most advanced technology in a magical and revolutionary device at an unbelievable price, ay parang pinalaking iPod Touch. Lahat ng applications na kabilang na sa loob ng iPod Touch ay pinalaki para sa kapakanan ng pinalaking produkto. Pampadagdag, siyempre meron itong mas malaki at mas maganda na multi-touch screen. Kaswertehan, mapapagana nito ang halos lahat ng mga apps na available sa App Store at siyempre ang mga future apps na idedesign (at ireredesign) para mag-take-advantage sa malaking screen ng nasabing produkto.

Makikita mo ang technical specifications ng nasabing gadget dito.

Itong tablet device, sa ngayon, ay available lang sa US. Asia? Abangan.

Ang aking pasiya: salamat na lang! Hindi ako ganong na-impress. Mas gusto ko ang iPod touch; at least maibubulsa ko pa. Mas mag-aalala lang ako sa iPad, sa totoo lang. (Mabuti na lang meron pala itong case!)

Source and Pics: Apple

Mag-iwan ng Puna

Pagtingin ko sa Shining Inheritance (KDrama)

2010/01/31 Sa 11:16 Umaga · Nakalagay sa Dramas ·Minarkahan , , , , , ,

Natapos na ang Korean dramang Shining Inheritance (찬란한 유산) sa GMA pero hindi pa ako tapos dito. Pinanood ko ang korean format last year at inaamin ko medyo nanghina ang pagkainteresado ko dito. Matagal kasi idownload ito via torrent at hindi pa kasi ako noon nakakahanap ng mga direct downloads links. Bumalik ang pagkainteresadong iyon noong isang araw nang napanood ko ang episode 7. Ang episode 7, bagamat hindi ang best, ay nakakapagbigay na sa akin ng sapat na kasiyahan. Hindi ako sigurado kung ganito at mas higit pa ang maibibigay ng mga susunod pang mga episodes pero kailangan ko itong ituloy. Hindi ko alam kung bakit pero naaadik ako.

REACTION KO >>

Comments (3)

‘Kada Kwento

2010/01/31 Sa 9:49 Umaga · Nakalagay sa Internet/Emails ·Minarkahan , ,

Para sa isang tao na hindi talaga trinatratong libangan ang panonood ng TV, maswerte ako nakahanap ako ng magandang video website (Pelicola.tv) noong Septyembre kahit na ako’y nakaramdam ng pagkabigo dahil sa aking mga malalaking hindi-napigilang ekspektasyon. Narinig ko din ang tungkol sa series (na pinamagatang ‘Kada Kwento) ng nasabing site. Mga tatlong buwan akong nahuli (ito’y unang pinublish noong June 24) pero oo, sinubukan ko pa ring panoorin. Mahilig naman kasi ako sa mga drama at pelikula. At saka dahil masyado akong nadisappoint noong inakala kong marami akong mapapanood na original fiction na palabas sa site na iyon, gusto kong mabawasan ang pagkaramdam ko ng emosyong iyon. Kaya noong nagdedesisyon ako kung papanoorin ko ang ‘Kada Kwento o hindi, ang sabi ko’y “bakit naman hindi?”

Ang ‘Kada Kwento, na may limang episodes, ay unang inilabas sa official website ng Globe Philippines (ang kasamang producer ng Pelicola). Doon ko pinanood ang palabas para sa kapakanan nito at sa kapakanan ng sarili ko. Sa totoo lang, nabighani ako sa quality, hindi sa istorya. Nabigyan ako ng parehong katatawanan at kabiguan kaya’t kung irerate ko ito’y malamang nasa gitna. Kahit ganon, trinatrato ko ito bilang rekomendasyon dahil sa “freshness” at appeal nito.

Ito’y, siya nga pala, tungkol sa pagkakaibigan. Ang limang episodes ay related sa isa’t isa at sinasalaysay ng writer (Luis na ginagampanan ni Gabs Santos) ng barkada, na magpapaisip sa atin na siya siguro kunwari ang nagsulat na istorya. Nagpapakita ito ng mga mabubuting samahan at relasyon, sinusubukan magbigay sa atin ng mga inspirasyon. Dapat ko sabihing ito’y nagwagi… pero dapat ko ding sabihing hindi ganitong Filipino series ang aking hinahanap.

Ang ‘Kada Kwento, sa wakas, ay ni-release ulit ng Pelicola.tv sa kanilang sariling website. Hindi ko ito minahal pero ginusto ko ito ng sapat para ma-enganyo akong magsulat ng isang article. Eto ang link na palabas, siya nga pala! Sa lahat, mag-enjoy kayo manood!

Source and Pic: Pelicola.tv

Mag-iwan ng Puna

Accountancy Text Quotes Collection

2010/01/30 Sa 9:50 Hapon · Nakalagay sa Text Quotes ·Minarkahan

Kaantok... Replyan ko na nga muna ito!

Naka-receive ako ng marami-raming text tungkol sa Accountancy course. Nagsearch ako kung may site na nagproprovide pa ng mga ganito pero wala akong nakita. Iyon ang dahilan kaya ko naisip gawin ito.

Ang Accountancy Hymn na trinatratong parody sa latest jingle ni Villar ay pwedeng ibilang dito pero iyon ay naipost ko na. Tutal wala na akong masabi pa… sa lahat, lalo na sa BSA students, enjoy!

5 ACCOUNTANCY Text Quotes >>

Comments (58)

Mga Iba’t Ibang Version ng Latest Villar Jingle

2010/01/29 Sa 9:06 Hapon · Nakalagay sa Commercials ·Minarkahan , ,

Sinong mag-aakala na ang latest political campaign ad jingle ni Manny Villar, na ngayon ko lang nalaman na Naging Mahirap pala ang title, ay magkakaroon ng madami-raming version?

Narinig ko na ang tungkol sa Engineering Hymn at pati na din ang Accountancy Hymn (na according sa site na ito ay pinagbasehan ng mga ibang mga hymns). Pero ang mga ibang course din pala ay may mga sariling version din: programming, nursing, law, IIT at marami pa sigurong iba. Kahit ang mga estudyante, may sarili din… at mukhang hindi nagpapatalo ang mga guro! Meron ding pang-UP at meron ding pang-college. (May version din na ginawa na para sa isang society na nagpaisip sa akin na siguro meron pang mga ibang version diyan na pang-barkada o/at para sa ibang grupo.)

Bukod sa mga ibang nasabi ko, naikalat na sa text ang mga ibang Villar ad parody katulad ng gay version at ang Anti-Villar version na pinangalanang Boy Hirap.

Available naman sa YouTube ang mga Naging Mahirap parody ng DotA at Ragnarok. Meron ding isinalin sa ibang mga wika (Japanese, Korean) bilang pampadagdag sa kasiyahan.

Ganito ba ang epekto ng LSS? Langya, maraming naaapektuhan ha! Ito lang ang mga nahanap ko sa ngayon. Kung may mga idadagdag kayo, reply lang kayo dito.

Pic: Manny Villar Website

Mag-iwan ng Puna

« Newer Posts · Older Posts »
Design a site like this with WordPress.com
Magsimula